Um verkefnið
Hringvangur - fyrsta (og hingað til eina) íslenska tengslanetið fyrir notkun hringrásarlausna í byggingariðnaði - byrjaði sem hluti af Nordic Networks for Circular Construction (NNCC) verkefninu sem Húsnæðis- og mannvirkjastofnun (HMS) og Grænni byggð stóðu að á Íslandi.
Árið 2024 setti Grænni byggð Hringvang í loftið með stuðningi frá HMS og Verkís. Hringvangur mun starfa áfram og byggja á þeim trausta grunni sem fyrir er.
Yfirlit
Meginmarkmið verkefnisins er að halda áfram lögbundinni starfsemi Hringvangs sem er meðal annars:
-
að stýra tengslanetinu og kynna verkefni og lausnir tengdar hringrásarhagkerfinu á Íslandi.
-
umsjón með vefsíðu Hringvangs sem er fyrst og fremst gagnagrunnur með fyrirliggjandi þekkingu um hringrásarlausnir í byggingariðnaði.
-
að halda hagsmunaaðilum upplýstum um framfarir og nýjustu upplýsingar um efnið.
-
að vera samstarfsvettvangur og auðvelda samvinnu milli hagsmunaaðila.
Verkefnið hlaut styrk úr Aski – mannvirkjarannsóknasjóði sem er fjármagnaður af Húsnæðis- og mannvirkjastofnun, félags- og húsnæðismálaráðuneyti og menningar-, nýsköpunar- og háskólaráðuneyti.